வெண்பாவனம்

140.காலையும் மாலையும்...

2011-11-22T01:39:00.000-08:00

காலையும் மாலையும் கைகூப்பிக் கால்தொழுதால்
மேலை வினையெல்லாம் கீழவாம் - கோலக்
கருமான்தோல் வெண்ணீற்றுச் செம்மேனிப் பைந்தார்ப்
பெருமானைச் சிற்றம் பலத்து

139.நஞ்சு...

2011-11-07T02:32:00.000-08:00

நஞ்சுண்டான் நாமம் பிறவிக்கு நஞ்சாகும்
அந்நஞ்சு நாவேற நெஞ்சுக்(கு) அமிழ்தாகும்
அஞ்செழுத் தோத உயிராம் எழுத்தழியும்
அஞ்சாளும் அஞ்சுகொல் நெஞ்சு !

138.அஞ்சு முகம்...

2011-10-29T22:56:00.000-07:00

அஞ்சு முகம்தோன்றில் ஆறு முகம்தோன்றும்!
வெஞ்சமரில் அஞ்சலென வேல்தோன்றும்! - நெஞ்சில்
ஒருகால் நினைக்கின் இருகாலும் தோன்றும்!
முருகா என்றோதுவார் முன்!

137.ஒருகண்...

2011-10-28T23:13:00.000-07:00

ஒருகண் கனலாம் இருகண் சுடராம்
உறுகண் ஒருமூன்றும் போதாதென் றின்னும்
ஒருகண்ணை வேண்டியதேன்? வேடன்கண் அப்பர்
சிறுகண்ணைத் தோண்டியதேன் செப்பு.

136.பலன்கருதி...

2011-10-28T05:57:00.000-07:00

பலன்கருதிச் செய்கர்மம் எப்பலத்தால் நிற்கும்?
பலன்கருதாக் கர்மம்தான் தற்பலத்தால் நிற்கும்!
பலனொன்றும் வேண்டாது பாப்பலவே செய்தேன்
பலனென்றன் சிற்றம் பலம்!

135.காளியே !

2011-10-26T00:27:00.000-07:00

காளியே ! அன்பரைக் காத்திடும் ஈசனின்
தோளினைப் பங்கிட்ட தேவியே ! வாளித்
தவளையாய் வாழ்கிறேன்; நீயெனை ஞானக்
குவளையாய் மாற்றிட வா.

134.வைகறை...

2011-10-16T03:11:00.000-07:00

வைகறை யாமந் துயிலெழுந்து தான்செய்யும்
நல்லறமும் ஒண்பொருளும் சிந்தித்து வாய்வதில்
தந்தையும் தாயும் தொழுதெழுக என்பதே
முந்தையோர் கண்ட முறை.

133.சரணம் சரணம்...

2011-10-15T02:01:00.000-07:00

சரணம் சரணமென்றே சண்முகனை நாளும்
சரணடைந்தால் உண்டாகும் சந்தோசம் - பாழும்
மரணம் மரணமெல்லாம் மாய்ந்தே மறைந்தே
மரணமில்லா(து) உண்டாகும் வாழ்வு.

132.அள்ளித் தருவதற்கு...

2011-10-11T05:51:00.000-07:00

அள்ளித் தருவதற்கு ஆயிரம் உண்டிங்கே
உள்ளிபோல் உன்னை உரித்துத் தரவேண்டாம்
துள்ளிக் குதிக்க , துடிக்கும் உயிர்க்கு
துளியேனும் நெத்தத்தைக் கொடு.

131.இனிது !

2011-10-09T06:05:00.000-07:00

தாளாள னென்பான் கடன்படா வாழ்பவன்
வேளாள னென்பான் விருந்திருக்க - வுண்ணாதான்
கோளாள னென்பான் மறவாதா னிம்மூவர்
கேளாக வாழ்த லினிது.

130.பெருமாளும்...

2011-10-01T08:10:00.000-07:00

பெருமாளும் நல்ல பெருமாள்! அவர்தம்
திருநாளும் நல்ல திருநாள்! – பெருமாள்
இருந்திடத்தில் சும்மா இராமையினால், ஐயோ!
பருந்தெடுத்துப் போகிறதே பார்!

129.வாராது கூற்று...

2011-09-23T23:07:00.000-07:00

ஒற்றை யணிமருப்பும் ஓரிரண்டு கைத்தலமும்
வெற்றி புனைந்த விழிமூன்றும் - பெற்றதொரு
தண்டைக்கால் வாரணத்தைத் தன்மனத்தில் எப்பொழுதுங்
கொண்டக்கால் வாராது கூற்று.

128.கண்டால் !!!

2011-09-23T07:47:00.000-07:00

பொய்களெல்லாம் நாணும் ; பிணந்தின்னும் பேய்கள்
பயந்தோடும் ; பெட்டிகள் பஞ்சுமெத்தை யாகும் ;
வரந்தரும் தெய்வங்கள் வேடமிட்டுக் கொள்ளும் ;
அரசியல் வாதியைக் கண்டு.

127.பனிபோல்...

2011-09-21T05:38:00.000-07:00

பனிபோல் உருகுகிறேன் பாராயோ கண்ணா !
இனியும் எனக்குநீ இன்பத்தைத் தாராயோ
கண்ணா ! சிதைக்கும் கவலைகளைத் தீராயோ
கண்ணா ! மணிவண்ணா ! நீ

126.அந்நியன்...

2011-09-20T05:28:00.000-07:00

அந்நியன் வந்தான்; அவனை விரட்டிடவே
இந்தியன் என்றோம்; இணைந்தே திரண்டிட்டோம்;
இன்னலைப் போக்கியே இன்பத்தைக் கண்டோம்;
இனியொன்றாய் வாழ்ந்திடு வோம்.

125.ஏன்தான் படைத்தாய் !

2011-09-18T05:32:00.000-07:00

தேன்பாகில் ஊறும் திராட்சை உதடுகளை
ஏன்தான் படைத்தாய் இறைவனே - நான்கண்டு
கவ்விச் சுவைக்கத்தான் காலமெல்லாம் பாடுபட்டுச்
செவ்விதழைத் தந்தாயோ செய்து!

124.அடக்குமுறை !

2011-09-11T01:40:00.000-07:00

அடக்குமுறை எங்கள் அணுகுமுறை என்றே
அடங்காமல் ஆடும் அரசாங்கந் தன்னை
அடக்குவார் நாட்டுமக்கள் தேர்தலின் மூலம்!
அடங்காமை வீழ்ச்சிக்கே வித்து.

123.முடியுமா ?

2011-09-10T04:08:00.000-07:00

தண்ணீரே இல்லாமல் தாமரைத்தான் வாழுமோ?
விண்மீனும் வானத்தை விட்டுத்தான் வாழுமோ?
எண்ணாமல் எப்படித்தான் நானும் இருப்பேனோ?
கண்ணா உனையெண்ணா மல்.

122.தமிழே !

2011-09-06T05:40:00.000-07:00

நீயில்லை என்னும் நினைவே எனக்குவேண்டாம்;
நீயில்லை என்னும் நிகழ்வே எனக்குவேண்டாம்;
நீயில்லை என்னும் நொடியே எனக்குவேண்டாம்;
நீயே எனக்குவேண் டும்.

121. பாதை !

2011-08-20T02:10:00.000-07:00

முக்தி பெறுவதற்கும் ; முன்னேற்றம் காண்பதற்கும் ;
சக்தி பெறுவதற்கும் ; சாதனை செய்வதற்கும் ;
உக்தி வகுப்பதற்கும் ; உண்மை உணர்வதற்கும்
பக்தியே பாதை நமக்கு.

120.தாவிக் குதிக்கும்...

2011-08-09T00:16:00.000-07:00

தாவிக் குதிக்கும் தவளை மனமே!நீ
பாவம் புரிந்தென்னை பாவியாக்கப் பார்க்காதே!
ஆவி துறக்கும்முன் ஆசை அடக்கியே
கோவில்கொள் ஆண்டவனை !

119.எதிரி !

2011-07-24T02:54:00.001-07:00

கதிராடும் நன்நிலத்தை; காற்றாடும் காட்டை
சதியாடி மானிடவன் சாய்த்தான் - மதிகெட்டு
தாம்மட்டும் வாழத் தரணியைச் சீர்கெடுக்கும்
நாம்தான் எதிரி நமக்கு.

118,வண்ணா !

2011-07-16T21:27:00.000-07:00

மல்லரை வென்ற மணிவண்ணா! உந்தன்
மலரடி போதும் மணிவண்ணா! எந்தன்
கவலையைப் போக்கிடும் கார்வண்ணா! இன்பக்
கவிதையைக் கேள் கார்வண்ணா!

*************************************
முழுப்பாடலை வாசிக்க இங்கே செல்லவும்

***************************************

117.கண்டால்...

2011-07-09T05:57:00.000-07:00

வண்டாய் மலர்தாவும் வண்டாய் மனமலையும்
செண்டாய் மதிமயங்கும் செண்டாய் மனம்மயங்கும்
நண்டாய் நிலம்கீறும் நண்டாய் மனம்சிதையும்
கண்டால் உனைக்கண்டால் நன்று.

116. நன்று !

2011-07-09T00:59:00.000-07:00

நல்லாரைக் காண்பதுவும் நன்றே; நலம்மிக்க
நல்லார்சொல் கேட்பதுவும் நன்றே; நல்லார்
குணங்கள் உரைப்பதுவும் நன்றே; அவரோடு
இணங்கி இருப்பதுவும் நன்று.

115.இளமை !

2011-06-27T05:17:00.000-07:00

இளமை இதயம் இயற்றும் கவிதை
இளமை இழந்தும் இருக்கும் ! - இளநீர்
இளமை வழுக்கையைப் போலவே உன்தன்
இளமைக் கவிதை இனிப்பு.

114.தினம் உன்னை...

2011-06-18T22:18:00.000-07:00

தினமுன்னைப் பாடி திருவடியில் வீழ்ந்தாலே
துன்பமோடிப் போகும் திருக்குமரா ! நாளும்
மனமுன்னை நாடி மருகினில் போதுமே
இன்பம் வருமே கந்தா !

113.பிணம் !

2011-06-18T20:49:00.000-07:00

பண்பாட்டைப் பாலுறவில் பற்ற மறந்தாரை
மண்போட்டு மூடுகிற மற்றோர் குழி எய்ட்சாம்!
கண்போன போக்கிலே காமவழி செல்பவர்
பெண்ணுறவால் ஆவார் பிணம்.

112.விதி...

2011-06-17T04:41:00.000-07:00

ஆவி துடிக்குதடி ஆருயிரே நீயின்றி
பாவி எனைக்கொஞ்சம் பாரடி - தாவிக்
குதித்துத் திரிந்தவனைக் கூப்பிட்டுக் காதல்
விதிக்குள் விழவைத்தாய் நீ.

111. முருகா ! முருகா !

2011-05-28T02:02:00.000-07:00

வாவென்ற சொல்லுக்கு வண்ணம் வடிவேலன்;
தாவென்ற சொல்லுக்குத் தன்மை திருக்குமரன்;
காவென்ற சொல்லுக்குக் காட்சி கதிரேசன்;
ஆவென்ற சொல்லுக் கவன்.

110.கண்ணா! கண்ணா!

2011-05-25T05:43:00.000-07:00

அழைக்காத நாளில்லை ஆண்டவா! எந்தன்
பிழையைப் பொறுத்திட வேண்டும் தலைவா!
மழைத்துளியை நோக்கிடும் மண்துகளாய் உள்ளம்
விழைகிறது உன்னிடம் தான்!

109.கல்லும்...

2011-05-21T22:40:00.000-07:00

படிக நிறமும் பவளச்செவ் வாயும்
கடிகமழ்செந் தாமரைபோற் கையும் - துடியிடையும்
அல்லும் பகலு மனவர முந்தொழுதால்
கல்லும் சொல்லாதோ கவி.

108.என் முயற்சி !

2011-05-21T20:55:00.000-07:00

ஆழ்க் கடல்நீரை அள்ளிச் சிறுகுழியில்
வீழச் செலுத்தும் விரகிற்றே - நீளச்
சிறைநின்ற தெய்வ சிகாமணிதன் காதை
அறைகின்ற வென்பே ர‌றிவு.

107.தெய்வம் !

2011-05-16T21:03:00.000-07:00

எல்லாந் தரும்தெய்வம் எல்லாமா குந்தெய்வம்
எல்லாந் தொழுந்தெய்வ மெந்தெய்வம் - நில்லாநீர்
செஞ்சடைசேர் தெய்வம் சிரஞ்சீவி யானதெய்வம்
அஞ்செழுத் தானதெய்வ மாம்.

106.மனமென்பது !

2011-05-15T05:06:00.000-07:00

ஆக்கல் அளித்தல் அழித்தல் இவைமூன்றும்
ஊக்கமொடு செய்யும் உரம்கொண்டும் - காக்கும்
அறம்புரிய முற்படாது ஐம்பொறியில் சென்று
மறம்புரியும் சக்தி மனம்.

விளக்கம்:

105.ஆசை !

2011-05-14T06:51:00.001-07:00

ஆசைக் கடலில் அலைந்து திரிவார்கள்
ஆசை கடந்தவனை யாரறிவார் - மாசற்ற‌
மேகத்தை சந்திரனை மின்மினிதான் மூடுமோ
மோகத்தை யின்றே முனி.

104.அன்பு !

2011-04-23T20:15:00.000-07:00

பெற்றெடுத்த பிள்ளை பிறப்பளித்த அன்னையென
சுற்றிநிற்கும் சுற்றத்தார் யாவர்க்கும் - மற்றிவ்
வுலகினில் வாழும் உயிர்களனைத் திற்கும்
நலனே நினைப்பதாம் அன்பு !

103. நாதன்தாள் !

2011-04-17T01:34:00.000-07:00

தேர்ந்த மதியளிக்கும் தேடுங் கதியளிக்கும்
நேர்ந்த பழிவிலக்கும் நித்திலம்போல் - சேர்ந்த‌
பொலிவளிக்கும் நல்ல புகலளிக்கும் என்றும்
நலிவகற்றும் நாதன்தாள் நன்று.

102.பெண்ணுக்கு...

2011-04-17T00:10:00.000-07:00

கையுண்டு,வாயுண்டு,மூக்குண்டு,நாக்குண்டு,
மையுண்டு,பல்லுண்டு,தோலுண்டு,நாசியுண்டு,
கண்ணுண்டு,காலுண்டு,காதுண்டு,தேகமுண்டு,
பெண்ணுக்கு இதயமு முண்டு.

101.பூத்தமலர் கைநிரப்பி !

2011-04-16T18:53:00.000-07:00

பூத்தமலர் கைநிரப்பிப் பொங்குதமிழ்ப் பாத்தொடுத்து
கூத்தனடி பாடிநிதம் கும்பிட்டால் - காத்தருள‌
வெள்ளை எருதேறி மிக்க விரைவுடனே
வள்ளலவன் முன்நிற்பான் வந்து.

100.காப்பாய் !

2011-04-10T01:16:00.000-07:00

பாராயோ வென்னைநீ பார்த்துக் கவலையெலாந்
தீராயோ செய்ய தீருவேலா – வாராயோ
மாமயி லேறி மகிழ்ந்து வரந்தந்து
சேமமுடன் காப்பாய் சிறப்பு.

99.நிறையுமோ ?

2011-04-09T21:07:00.000-07:00

வானாகித் தீயாய் மறிகடலாய் மாருதமாய்
தேனாகிப் பாலாம் திருமாலே ! - ஆனாய்ச்சி
வெண்ணெய் விழுங்க நிறையுமோ? முன்னொருநாள்
மண்ணை யுமிழ்ந்த வயிறு.

98.வாழ்வோம்!

2011-04-08T22:08:00.000-07:00

சென்றால் குடையாம் இருந்தால்சிங் காசனமாம்
நின்றால் மரவடியாம் நீள்கடலுள் - என்றும்
புணையாம் மணிவிளக்காம் பூம்பட்டாம் புல்கும்
அணையாம், திருமாற் கரவு.

97.தோத்தரித்தேன்!

2011-04-07T14:13:00.000-07:00

காத்தருள் கந்தனே கைதூக்கி கண்ணோக்கித்
தோத்தரித்தேன் தொல்லையுறச் சொல்லழகா - சாத்திரத்து
நல்லொளியே நாயகனே நற்கனியே நாதாந்தா
நல்லருள்செய் ஞானிநீ நாள்.

96.கொள் !

2011-04-06T14:09:00.000-07:00

வாய்மைச்சொல் கற்றுக்கொள் வாழ்வில்போய் ஒன்றிக்கொள்
தீய்மைச்சொல் விட்டுக்கொள் தீங்கெல்லாம் - ஆய்வொன்றால்
போக்கிக்கொள் நல்லோர்தாள் போற்றிக்கொள் நட்பென்றும்
ஆக்கிக்கொள் அன்புள்ளம் ஆம்.

95.அவனே சான்று!

2011-04-05T13:54:00.000-07:00

தானே தனக்குப் பகைவனும் நட்டானும்
தானே தனக்கு மறுமையும் இம்மையும்
தானே தான்செய்த வினைப்பயன் துய்த்தலால்
தானே தனக்குக் கரி.

94.தா !

2011-04-04T05:33:00.000-07:00

கூட்டும் விழைவுதா கூடலுறைப் பீடுதா
வேட்கும் பெருமைதா வேடுவா - காட்டுங்
கருணைதா கந்தா கழலிணைதா தேட்டச்
செருக்ககலச் செய்வீடு தா.

93.கேசவனே !

2011-04-02T23:40:00.000-07:00

அன்பாவாய் ஆரமுதம் ஆவாய், அடியேனுக்
கின்பாவாய் எல்லாமும் நீயாவாய்,‍ - பொன்பாவை
கேள்வா கிளரொளியென் கேசவனே, கேடின்றி
ஆள்வாய்க் கடியேன்நான் ஆள்.

92.தோற்றம் !

2011-03-31T14:13:00.000-07:00

இறந்த பிறப்பில்தாம் செய்த வினையைப்
பிறந்த பிறப்பால் அறிக - பிறந்திருந்து
செய்யும் வினையால் அறிக இனிப்பிறந்து
எய்தும் வினையின் பயன்.

91.அருட்கடலே!

2011-03-25T21:50:00.000-07:00

ஆரா அமுதே அருட்கடலே நாயேன்றன்
பேராத வஞ்சப் பிழைநோக்கி - யாரேனு
நின்போல்வார் இல்லாதோய் நீயே புறம்பழித்தால்
என்போல்வார் என்சொல்லார் ஈங்கு.

90.நான்பணிவேன்!

2011-03-25T20:17:00.000-07:00

ஒற்றை மருப்பனை ஒய்யார வேலவனைக்
கற்றைச் சடையனைக் கண்ணனைக் - கொற்றவையை
நான்முகனைப் பூமகளை நாமகளைக் கோள்களினை
நான்பணிவேன் நாளும் நயந்து.

89.கண்ணாமூச்சி !

2011-03-21T14:11:00.001-07:00

இன்பமென்று சொல்லவா? இன்னலென்று சொல்லவா?
அன்பென்று சொல்லவா? அச்சமென்று சொல்லவா?
மச்சமென்று சொல்லவா? மர்மமென்று சொல்லவா?
அச்சுதா! உந்தன் ஆட்டத்தை.

88.கந்தா...

2011-03-14T05:55:00.000-07:00

கந்தா! கடம்பா! குமரா! கருணையின்
மைந்தா! முருகா! முதல்வா! மலைநாட்டு
வேந்தா! வடிவேலா! வெற்றிவீரா! செந்தமிழ்ச்
சேந்தா! சரணமய் யா.

87.தென்னை !

2011-03-13T04:11:00.000-07:00

அண்ணாந்து பார்க்கும் உயரம்; தருகின்ற‌
தண்ணீரோ தித்திக்கும் தேனமுதம்;கார்க்கூந்தல்
பெண்களின் எண்ணெயின் மூலம்;கடற்கரை
வெண்மணலில் கண்டால் சுகம்.

86. கண்ணனை வேண்ட!

2011-03-12T17:33:00.000-08:00

பனிபோல் விலகிடும் பாவங்க ளெல்லாம்
கனிபோல் இனித்திடும் காட்சிக ளெல்லாம்
நதிபோல் நடந்திடும் நன்மைக ளெல்லாம்
கதியென கண்ணனைவேண் ட.

85.நா(ம)ம் !

2011-03-11T23:27:00.000-08:00

நாமெனும் நாமத்தை நம்புவோம்! நாமெனும்
ஓம்காரம் சொல்லியே ஓதுவோம்! நாமெனும்
சாமியை நாளும் வணங்குவோம்! நாமெனும்
பூமியே நாளையென் போம்!

84.நீயிருக்க !

2011-03-11T06:28:00.000-08:00

தடைதகர்க்க நீயிருக்க தாயேநான் அஞ்சேன்
நடைபயில நீயிருக்க தாயேநான் அஞ்சேன்
படையென நீயிருக்க தாயேநான் அஞ்சேன்
விடையென நீயிருக்கஞ் சேன்.

83.காத்திட தான் !

2011-03-09T03:23:00.000-08:00

வேலோடு வீற்றிருப்பான் வேலனவன்! மாமலை
மேலே மயிலோடு வீற்றிருப்பான் மால்மருகன்!
சங்கத் தமிழோடு வீற்றிருப்பான் கந்தனவன்!
எங்களைக் காத்திட தான்!

82.சரிபாதி !

2011-03-08T03:36:00.000-08:00

இல்லை இவளுக்கு நீதி;இருப்பிடம்
சொல்லும் இவளுடைய சேதி;புராணத்தில்
மட்டும் கடவுளில் பாதி; உரிமைக்குச்
சட்டம்தான் பெண்ணின் கதி.

81.வாழி !

2011-03-07T04:14:00.000-08:00

வாழி திருமன்றங் கண்ட மலர்க்கண்கள்
வாழி பெருமான் புகழ்கேட்ட வார்செவிகள்
வாழி யவனை வணங்கு முடிச்சென்னி
வாழியவன் சீர்பாடும் வாய்.

80.முன்னே !

2011-03-06T00:38:00.000-08:00

காலன் வருமுன்னே கண்பஞ் சடைமுன்னே
பாலுண் கடைவாய்ப் படுமுன்னே - மேல்விழுந்தே
உற்றார் அழுமுன்னே ஊரார் சுடுமுன்னே
குற்றாலத் தானையே கூறு !

79.போதும் !

2011-03-04T07:08:00.000-08:00

கொஞ்சி விளையாடும் கோகுலத்துக் கண்ணனைத்
தஞ்சம் அடைந்தாலே போதும் ! - மணிவண்ணன்
மஞ்சத்தில் பூங்கரத்தில் முத்தத்தில் வாய்ச்சொல்லில்
நெஞ்சம் நிறைந்தால்போ தும்!

78.மாண்பு!

2011-02-28T04:28:00.000-08:00

பொருளைக் கரைக்கும் புகழைச் சிதைக்கும்
குருதியில் நச்சினைக் கூட்டும் - உறுப்பில்
பதுங்கி உயிரைப் பறித்தே அழிக்கும்
மதுவைத் தவிர்த்தலே மாண்பு!.

77.கண்டேன் !

2011-02-22T05:01:00.000-08:00

திருக்கண்டேன் பொன் மேனி கண்டேன் திகழும்
அருக்கன் அணிநிறமும் கண்டேன்- செருக்கிளரும்
பொன்னாழி கண்டேன் புரிச்சங்கம் கைக் கண்டேன்
என்னாழி வண்ணன் பால் இன்று.

76.என்றும் !

2011-02-21T05:18:00.000-08:00

பார்க்கும் இடமெல்லாம் புல்வெளி; பாதையைப்
பார்த்தால் தெரியும் ஒழுங்குநெறி ; ‍வாழும்
உலகிற்குச் சொல்லும் புதுவழி; என்றும்
இளமையாய்க் காணும்சிங் கை.

75.செகம் !

2011-02-20T01:52:00.000-08:00

காலைக் கமலமுகங் காட்டநெய்தல் கண்காட்ட‌
மாலைக் குமுதமெலாம் வாய்மலர - நூலிடையார்
கூந்தலெனப் பாசிவளர் கோட்டஞ்சூழ் தென்பழனிச்
சேந்தனிடத் தன்றோ செகம்.

75.மாதவா !

2011-02-20T00:42:00.000-08:00

மதம்கொண்ட யானைநான், மாதவா ! உந்தன்
இதம்கொண்ட பார்வையால் ஈர்த்திடு !- உந்தன்
கதம்கொண்டே எந்தன் கவலைகளை யெல்லாம்
வதம்செய் தெனைக்காத் திடு !

74.சுடும்நெருப்பைக் கூட‌...

2011-02-19T23:33:00.000-08:00

சொல்லில் இருக்கும் சுவையைக் கவிஞனோ
கல்லும் கரைய எழுதிடுவான் ! - நல்ல‌
கரும்பாய் இனிக்கச் சுடும்நெருப்பைக் கூடக்
கருத்தாய் வடிப்பான் கவி !

73.கண்ணா...

2011-02-19T03:18:00.000-08:00

குழலென்றால் கண்ணன்; குறும்பென்றால் கண்ணன்;
நிழலென்றால் கண்ணன்; நினைவென்றால் கண்ணன்;
எழிலென்றால் கண்ணன்; எழுத்தென்றால் கண்ணன்;
தொழுதிடுவேன் கண்ணா உன்னை.

72.என்னம்மை !

2011-02-18T05:29:00.000-08:00

ஆய கலைகள் அறுபத்து நான்கினையும்
ஏய உணர்விக்கும் என்னம்மை - தூய
உருப்பளிங்கு போல்வாளென் உள்ளத்தின் உள்ளே
இருப்பளிங்கு வாரா திடர்.

71.கடிகாரம்!

2011-02-17T04:10:00.000-08:00

சிரமில்லை சின்ன செவியுண்டு; கேளாய்!
கரமில்லை காட்டிக் கொடுக்க –விரல்களுண்டு;
கண்ணில்லை காண்பதற்கே கண்ணாடி போட்டிருக்கும்
என்னருமை கைக்கடிகா ரம்!

70.எம்பெருமான் !

2011-02-16T04:36:00.000-08:00

கண்ணிற் கலந்தான் கருத்திற் கலந்தான்என்
எண்ணிற் கலந்தே இருக்கின்றான் - பண்ணிற்
கலந்தான்என் பாட்டிற் கலந்தான் உயிரில்
கலந்தான் கருணை கலந்து.

69.திறவுகோல்

2011-02-15T05:32:00.000-08:00

பூட்டே மகிழ்ச்சியெனில், பூப்பறிவே சாவியாம்;
தீட்டிய புத்தியோன் தேர்ந்தவன் - மாட்டி
இயல்பாய்த் திறந்தா லினிமைதரும்; மாறாய்
இயற்றி னிடும்பை தரும்.

68.தமிழ் வணக்கம்

2011-02-14T05:03:00.000-08:00

வண்ண மயிலாட ! வண்டு மலர்நாட !
சின்ன குயில்பாட ! சில்லென்று காற்றுவர !
எண்ணம் சிலிர்ததாட ! என்நாவில் வந்தாடு !
கன்னல் தமிழே கமழ்ந்து !

67.வனப்பு !

2011-02-13T01:18:00.000-08:00

படைதனக்கு யானை வனப்பாகும் பெண்ணின்
இடைதனக்கு நுண்மை வனப்பாகும் - நடைதனக்கு
கோடா மொழிவனப்புக் கோற்கதுவே சேவர்க்கு
வாடாத வன்கண் வனப்பு.

66.தமிழாலே !

2011-02-12T00:06:00.000-08:00

அன்னைத் தமிழாலே ஆண்டவனைப் பாடவேண்டும்
கன்னித் தமிழால் கடவுளைப் பாடவேண்டும்
இன்பத் தமிழால் இறைவனைப் பாடவேண்டும்
இன்றுமென்றும் பாடவேண் டும்.

விளக்கம்:

65.அருணன் !

2011-02-11T22:33:00.000-08:00

காலையே போன்றிலங்கும் மேனி கடும்பகலின்
வேலையே போன்றிலங்கும் வெண்ணீறு - மாலையின்
தாங்குருவே போலுந் சடைக்கற்றை மற்றவற்கு
வீங்கிருளே போலுமி டறு.

விளக்க‌ம்:

64.பாரதி !

2011-02-11T05:30:00.000-08:00

மீசை வளர்க்கலாம் மேற்பாகை கட்டலாம்
ஆசையினால் உன்பேர் அணிந்திடலாம் - ஓசைக்
குரலெடுத்துப் பாடிடலாம் கோமகனே நின்போல்
வருவதுண்டோ நாவினிலே வாக்கு!

63.முகுந்தா !

2011-02-10T04:01:00.000-08:00

மகுவாய்ப் பிறந்தான், மகிழ்ச்சியைத் தந்தான்;
சுகந்தனாய் வந்தான், சுகத்தையெல்லாம் ஈந்தான்;
நகுலனாய் வாழ்ந்தான், நமையெல்லாம் வென்றான்;
முகுந்தனே முத்தமொன்று தா.

62.அன்பை வெளிக்காட்டு !

2011-02-08T03:28:00.000-08:00

வாலாட்டி நாய்காட்டும்,வாய்ச்சொல்லில் கிள்ளைகாட்டும்
காலாட்டிக் காட்டும் குதிரையும் - தோலா
அளவேனும் காட்டார் அடுத்தவர்பால், உள்ளே
அளவிலாது அன்பிருந்தும் என் ?

61.நூலறிவு !

2011-02-07T04:59:00.000-08:00

காலறிவும் இல்லார்கள் காலத்தால் கற்றறிவால்
ஞாலத்தைத் தாம்அளந்து நம்புகின்றார்! – காலமிலா
வாலறிவை நூலென்னும் கோலளக்கா! – பேரறிவில்
நூலறிவும் நூலளவே நோக்கு!

60.யானைமுகத்தவனே...

2011-02-05T22:05:00.000-08:00

முன்னவனே யானை முகத்தவனே முக்திநலம்
சொன்னவனே தூய்மைச் சுகத்தவனே - மன்னவனே
சிற்பரனே, ஐங்கரனே செஞ்சடையஞ் சேகரனே
தற்பரனே நின் தாள் சரண்.

59.புரிதல்...

2011-02-05T05:26:00.000-08:00

புரிந்த முதல்கவிதை பெற்றாள்; முயன்று
தெரிந்தவிடம் தந்தையே; தோற்றவிடம் இல்லாள்
புரியாமல் போன கவிதை புதல்வர்;
புரிந்தும் புரியாத நான்.

58.வாவா மணிவண்ணா வா !

2011-02-04T21:10:00.000-08:00

மாவாலே கோலமிட்டு மாதவனைக் கூப்பிடுவோம்
பாவாலே பண்ணிசைத்துப் பாலகனைக் கூப்பிடுவோம்
நாவாலே நாம்பாடி நாதனைக் கூப்பிடுவோம்
வாவா மணிவண்ணா வா.

57.பெண்ணின் பெருமை !

2011-02-04T03:32:00.000-08:00

உண்ணவைத்துப் பின்னர் உறங்கவைத்துப் பிள்ளையென்
கண்ணுறக்கம் கண்டு களிப்புற்றாள் - என்நாவே
இன்னமும் தாமதம் ஏனோசொல் இப்பொழுதே
பெண்ணின் பெருமையைப் பாடு

56.கடற்கரை !

2011-01-29T19:05:00.000-08:00

கவிதை எழுதிட கற்பனை ஊற‌
செவியில் அலையோசை சிந்த - புவியில்
உடல்நலம் பெற்றுநல் உற்சாகம் கூடக்
கடற்கரைக் காட்சியினைக் காண்!

55.உண்மையெது

2011-01-25T04:38:00.000-08:00

உண்டென்பான்;ஓர்நூறு சான்றென்பான்; ஆண்டவனைக்
கண்டுகொள்ளக் கண்கோடி வேண்டுமென்பான் - உண்மையாக்க‌
ஆத்திக னாயிரங்கள் சொன்னாலும்; ஒன்றுரைப்பான்
நாத்திக னில்லை யென.

54.அரனுக்கு அரைக்கண்ணாம்

2011-01-21T06:11:00.000-08:00

முக்கண்ணன் என்றரனை முன்னோர் மொழிந்திடுவர்
அக்கண்ணிற் கள்ளதரைக் கண்ணே - மிக்க‌
உமையாள்கண் ஒன்றரைமற் றூன்வேடன் கண்ணொன்று
அமையும் இதனாலென்று அறி.

53.அறிவிருள்

2011-01-19T04:06:00.000-08:00

ஆளில்லாக் கூட்டத்தில் ஆர்ப்பாட்டம் செய்வதுவும்
தாழில்லாக் கூடத்துள் தானியத்தைச் சேர்ப்பதுவும்
வாளில்லார் கோட்டைகாக்க வாசலிலே நிற்பதுவும்
கோளில்லா வானமென்றே கொள்.

52." அம்மா " எனவே அழை !

2011-01-17T04:25:00.000-08:00

தூயநல் தொன் தமிழைத் தாய்மொழியாய்ப் பெற்றுயர‌
காயமுயிர் ஈந்தான் கடவுளுமே _ தாயவளை
" மம்மி " எனச்சொல்லி மாய்ந்திடாது செந்தமிழால்
" அம்மா " எனவே அழை !

51.நின் புகழே பாடுவேன்

2011-01-16T01:37:00.000-08:00

நாடிலும் நின்னடியே நாடுவன், நாடோறும்
பாடிலும் நின்புகழே பாடுவன், சூடிலும்
பொன்னாழி யேந்தினான் பொன்னடியே சூடுவேற்கு,
என்னாகி லென்னே எனக்கு?

50.தானே சொல்லற்க‌ !

2011-01-16T00:47:00.000-08:00

நல்லமரம்! தீர்மானம்! நாமதைக் கேட்டல்ல‌
நல்கும் பழங்களாலே நற்பெயராம் - வல்ல‌
செயற்கரிய செய்தமெனச் செப்பாதே ! செப்பும்,
வியந்ததைக் கண்ட விடத்து.

49.திருநாளாம் திருவள்ளுவர் திருநாளாம்

2011-01-15T21:27:00.000-08:00

உலகம் செழிக்க; உயிர்கள் தழைக்க;
கலகம் மறைய; கருணை பிறக்க‌
விரும்பி மனிதருக்கு வள்ளுவர் தந்த‌
திருக்குறளை ஓதுவோம்நா ளும்.

48.பொங்கலோ பொங்கல்

2011-01-15T06:32:00.000-08:00

பொங்கட்டும் பொங்கல் பகையை விரட்டிட;
பொங்கட்டும் பொங்கல் பிணியை விரட்டிட;
பொங்கட்டும் பொங்கல் பசியை விரட்டிட;
பொங்கலோ பொங்கலெனச் சொல்.

47.ஓம் நமோ நாராயணா !

2011-01-13T03:13:00.000-08:00

நாராலே பூவும் சரமாகி மாலையாகும்;
நீராலே மேனி தரமாகி தூய்மையாகும்;
யாராலே ஆன்மா அமைதியாகி வாழும்;சொல்
நாரா யணின்நாமத் தை

46.வினை தீர்ப்பவனே

2011-01-11T03:56:00.000-08:00

திருஆக்கும் செய்கருமம் கைகூட்டும் செஞ்சொல்
பெருவாக்கும் பீடும் பெருக்கும் - உருவாக்கும்
ஆதலால் வானோரும் ஆனை முகத்தானைக்
காதலால் கூப்புவர்தம் கை.

45.என்நெஞ்சு அவர்க்கு

2011-01-10T03:44:00.000-08:00

இடர்களையா ரேனும் எமக்குஇரங்கா ரேனும்
படரும் நெறிபணியா ரேனும்- சுடருருவில்
என்பு அறாக் கோலத்து எரியாடும் எம்மனார்க்கு
அன்பு அறாது என்நெஞ்சு அவர்க்கு.

44.இடம்விட்டு இடம் !

2011-01-08T21:22:00.001-08:00

தலைவாரிப் பூச்சூடி தங்கநகை பூட்டிச்
சிலைபோல் அலங்காரம் செய்து - பிழைக்கத்
தகுந்த துணைதேர்ந்து தாய்வீட்டை விட்டுப்
புகுமனை போவாளே பெண் !

43.ஆதவன்

2011-01-06T05:01:00.000-08:00

விண்கோழி இட்ட வெகுவெப்ப முட்டையிலே
கண்விழித்த குஞ்சே கதிரவனா? - கோயிலிலே
நேற்று சுடச்சுட நின்றுபெற்ற வெண்பொங்கல்
சோற்றுருண்டை தானோ சுடர்!

42.தில்லைநாதன்

2011-01-03T05:07:00.000-08:00

வாழ்வும் அதன்பின்னே வந்தென்னை வாட்டுகின்ற
தாழ்வும் எனச்சுழலும் சக்கரத்தில் - வீழ்ந்துலகில்
மன்றாடும் என்நிலையை மாற்றினான் தாள்தூக்கி
மன்றாடும் தில்லை மருந்து.